Ծաղկած բալենի

Հարսի նման ճերմակ հագար,
Ծաղկած բալենի,
Կարծես հույսի ճամփով եկար,
Իմ հույս բալենի,
Ինձ առ ճերմակ թևերիդ մեջ,
Իմ քույր բալենի:

Ախ, ուզում եմ դողալ քեզ պես,
Հարսնաքողի տակ,
Ինձ առ ճերմակ թևերիդ մեջ,
Իմ քույր բալենի:

Քեզ տեսնելիս լցվում եմ ես
Անուշ մուրազով,
Քեզ տեսնելիս ապրում եմ ես
Բարի երազով:

Դու ինձ հիմա շատ ես նման,
Քո բույր ու նազով,
Քեզ տեսնելիս լցվում եմ ես
Անուշ մուրազով,
Քեզ տեսնելիս ապրում եմ ես
Բարի երազով: